[size=21]بعد السلام والتحيه
اخوانى الكرام اخواتى العزيزات ، كيف حالكم ؟؟؟
خلاص الحمد لله ، رمضان قرب يهل هلاله . اللهم بلغنا رمضان يارب واغفر لنا خطايانا جميعها .
امين يارب العالمين
ــــــــــــــــ
احبائى قد قرات قبل دخول رمضان موضوع للاستاذ عمر خالد ، بعنوان كيف تكسب رمضان ، وقد نقلته لكم
هنـــــــــــا
وفى هذا الموضوع جملة علقت فى ذهنى كثيرا ، وهى :
( كان الصحابة يحضرون قائمة دعوات يلحون عليها فى رمضان فلا يمر العام حتى تكون قد تحققت ) .
فعزمت على ان احضر انا كمان قائمة واجهزها، قبل دخول شهر رمضان ، كى تكون مكتمله وابدأ فيها بالدعاء مع دخول هذا الشهر الكريم ، وبالفعل كتبت الادعيه اللى انا عايزاها من اصلاح حالى وحال الامه . بالاضافه الى انى جمعت اسماء الناس اللى بحب ادعيلهم ، فكتبت بعض اسماء الناس الى اعرفهم هنا وبحبهم وبحب ادعلهم ، وكتبت كده جمب كل اسم الدعاء الخاص به .
فدلوقتى المطلوب منكم يا اعضاء المنتدى الكرام ، هو.....
اللى منكم يريد ان ندعوا له ونكتب اسمه فى قائمة الدعاء ، ما عليه الا ان يكتب اسمه بالاضافه الى الدعاء اللى يحبنا ندعيله بيه .
واحب انبه حضراتكم لحاجه ، مش لازم بس انا اللى ادعى ولا المشرفين الاسلامى بس هم اللى يدعوا ، لأ ، انما على كل عضو هيدخل ويشوف اسم اخ او اخت بيطلب الدعاء ، فعليه انه يلبى النداء ويدعو له او لها .
وده مش إلزام لكن انا عارفه لاننا كلنا مسلمين و بنحب الخير لبعض ، فأكيد كلنا هندعى لبعض .
وخلونى افكركم بحديث الرسول ( صلى الله عليه وسلم ) " ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ"
رواه مسلم.
وفى رواية " دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ"
رواه مسلم.
الهدف من الموضوع ده اخوانى ، هو اننا نتقرب الى الله بالدعاء لبعضنا بظهر الغيب ، كما ان هذا الموضوع سيجعل الحب والموده بيننا جميعا ، وسيزيد من محبتنا لبعض
ــــــــــــــــــ
ودلوقتى اتترككم تكتبوا لنا الدعاء اللى بتريدوا اننا ندعيلكوا بيه
وشكرا
.....
__________________
[/size]
