(( نخترق ... نطلق الرصاص ... نصول ونجول ... نبتر العضو الفاسد حتى يصلح الجسد .... نضع ايدينا على الجرح كأمهر جراح لنداويه ... نتقاذف .... يسب بعضنا بعضا ... بألسنتنا تارة وبايدينا تارة ، وربما تطور الأمر لأحذيتنا تارة أخرى لنتحاور ... فقط وحصريا على قنواتنا الفضائية ... فابقوا معنا ))
المحاور:
أهلا بكم بعد هذا الفاصل السريع :
ضيفنا اليوم تستجوبه
الدكتورة / بايعة القضية عضو المجلس الموقر محاولة أن تضع النقاط على الحروف حتى تصل للمتهم الأول فى قضية اليوم .
ضيفنا اليوم هو السيد
الدكتور / غتيت فاتح حسابه عضو الهيئة التنظيمية لدخول اللحوم ( المدودة ) إلى البلاد والحائز على جائزة االحساب المفتوح 24 ساعة فى خدمة الفساد .معنا لنحاوره عن قضية دخول اللحوم الهندية المصابة بدودة ( الساركوسيست ) إلى مصر .
فاصل ...... ونواصل .
أهلا بكم
لنبدأ الحوار مع العضوة الموقرة ...
الدكتور غتيت مقاطعا : إيه يا أستاذ جايبنا هنا تهزقنا ولا غيه مش كفاية قدمت العضوة قبلى وده ميصحش أنا حاصل على الدكتوراه فى كيفية إخراج الدودة من شريحة اللحم ثم تناولها بالهنا والشفا وبعدين تقدم العضوة قبلى ... ده كلام !!
الدكتورة بايعة القضية : فيه إيه يا أستاذ ده حتى الذوق بيقول ( ليديز فيرست ) وبعدين ما أنا كمان معايا دكتوراه فى ندغ اللبان وتفتيح المخ !
المحاور : يا جماعة ما يصحش كدة ح نبتدى الحلقة بالمنظر ده يبقى مش ح نوصل لحاجة . وما تنسوش إن أنا إللى بدير الحوار هنا . وما تزعلش يا أستاذنا ح أترك لك الكلمة قبلها وكدة محدش يزعل من حد .
( هدوء وتأفف من الأطراف الثلاثة )
فاصل أعزاءنا المشاهدين ونواصل
المحاور : سيدى الدكتور ... حدثنا فى البداية عن الدودة المذكورة وإزاى دخلت اللحمة وبعدين بقى نشوف اللجمة نفسها إزاى دخلت مصر وبعدين دخلت معدتنا ؟
الدكتور غتيت : فى الواقع والحقيقة الدودة دى هى نفسها الدودة الشريطية وكلنا والحمد لله متعايشين معاها وواخدين عليها .... ده حتى البروتين فيها نسبته عالية جدا ... يعنى مفيش منها خطر أبدا ! وبعدين مين قال إن فيه لحمة ( مدودة ) دخلت مصر دى كلها إشاعات يا أستاذنا الفاضل وصور متفبركة وكلام جرايد وتلاقى الإشاعات دى مصدرها تجار اللحمة علشان الناس تتهافت على اللحوم البلدية وهمة بقى يتلاعبوا بالأسعار على راحتهم !
الدكتورة بايعة القضية : يا أستاذ عيب عليك ح تبتديها كدب من أولها ؟ إنت جاى توكل الشعب الأونطة ولا توكله ( الدود ) ؟
الدكتور غتيت : إحترمى ذاتك ! إنتى مش عارفة بتكلمى مين !
الدكتورة بايعة : ح اكون باتكلم مع مين يعنى ؟
مرتشى وفاسد والناس كلها عارفة تاريخك الإسود وحافظينك ويشهد عليك الحساب المفتوح فى البنك 24 ساعة فى خدمة الفاسدين !!
الدكتور غتيت : اسم الله عليكى ( فرش الملاية ) إنتى مانتيش فاكرة والا إيه ؟
ولا تحبى أفكرك !
المحاور مقاطعا : يا جماعة ميتفعش كدة ! إحنا هنا جايين نواجه ونوصل للحقيقة كدة ح تشتتوا المشاهد ... ومضطر أخرج لفاصل
فاصل .... ونواصل .
اهلا بكم من جديد .
المحاور : ح أوجه سؤالى للدكتور غتيت مرة تانية : ما احنا من حقنا نعرف والمشاهدين إزاى اللحمة دى دخلت البلاد وفين الحجر الصحى ومعايير الجودة والضمان ؟
الدكتور غتيت : انتوا مكبرين الحكاية أوى ... ( مشيرا للدكتورة ) ح اتكلم بس لو سمحت مش عاوز مقاطعة منها وانا باتكلم .
الدكتورة بايعة : هو انا كلمتك انت فاكر نفسك غيه يا مـ ( تيييييت ) إنت جاى هنا متهم يبقى تسمع وتحط الـ ( تيييييت ) فى بقك وانت ساكت !
المحاور : يا جماعة مينفعش كدة !
الدكتور غتيت : لا فوقى بقى والا أجيب لك سيديهات فضايحك على النت مع العضو ( فلان ) وأعرضها للمشاهدين ؟
الدكتورة بايعة : أنا اشرف منك ومن اللى ( تييييت ) يا بتاع الحبة الزرقا ولا بلاش أتكلم .
المحاور : يا جماعة مينفعش كدة ..... مش أسلوب حوار ده عاوزين المشاهد يحط إيده على كل الحقايق والوقائع لأن برنامجنا هو برنامج ( الشفافية ) فى طرح الموضوعات ومتنسوش أنا إللى بدير الحوار هنا .
أعزائى المشاهدين .... فاصل ونواصل
أهلا بكم من جديد
المحاور : ومعانا مداخلة تليفونية من مشاهد بيطلب التدخل للصلح بين ضيوفنا فى البرنامج وكتر خيره والله وباشكره على المشاعر الجميلة دى ومصر بخير فعلا .
وكمان معانا الأستاذ م من كفر الشيخ ونقول آلو : يا أستاذ أنا معايا الآشعة إللى عملتها فى المستشفى بسبب إصابتى من اللحمة وظاهر بوضوح جلى إسم الدكتور فى معدتى ... الدكتور إللى قاعد قدامك ده ... يعنى قوله منك لله مفيش فايدة م الإنكار .حسبى الله ونعم الوكيل ... حسبى الله ونعم الوكيل فيكم يا ظلمة !
الدكتور غتيت : أنا بس مش عارف الأخ إللى بيتكلم ده مين قله إن فيه لحمة أساسا دخلت مصر ( مدودة ) ؟
موجها حديثه للعضوة الموقرة : عاجبك يا ست هانم عاوزة تدارى على فضايحك تقومى تتهمى الناس بالباطل وتقلبى الرأى العام ضدنا ... الصور إللى فى الجرايد دى كلها معمولة جرافيك ع الفوتوشوب تحبى أقول للمشاهدين جابوكى منين من تلات ليالى كدة ؟
ويستمر الوضع على هذا الحال لأكثر من ساعتين ملأى بالصراخ والتهديد والتنديد .
وترتفع الأيدى فى الهواء من كل المشاركين فى الحلقة لتطول حامل الكاميرا والمخرج والمعد وربما المشاهدين .
المحاور خاتما : وهكذا مشاهدينا الكرام وضعنا أيدينا على المشكلة والحل بكل صراحة ووضوح وشفافية فهذا هو هدفنا من أجلكم أنتم ... من أجل المواطن المصرى المطحون ...أالقاكم بعد الفاصل وضيف جديد
وهكذا الحال ... حال كل برامجنا الحوارية فى كافة المجالات .... فضائح فضائية على الهوا
المحاور:
أهلا بكم بعد هذا الفاصل السريع :
ضيفنا اليوم تستجوبه
الدكتورة / بايعة القضية عضو المجلس الموقر محاولة أن تضع النقاط على الحروف حتى تصل للمتهم الأول فى قضية اليوم .
ضيفنا اليوم هو السيد
الدكتور / غتيت فاتح حسابه عضو الهيئة التنظيمية لدخول اللحوم ( المدودة ) إلى البلاد والحائز على جائزة االحساب المفتوح 24 ساعة فى خدمة الفساد .معنا لنحاوره عن قضية دخول اللحوم الهندية المصابة بدودة ( الساركوسيست ) إلى مصر .
فاصل ...... ونواصل .
أهلا بكم
لنبدأ الحوار مع العضوة الموقرة ...
الدكتور غتيت مقاطعا : إيه يا أستاذ جايبنا هنا تهزقنا ولا غيه مش كفاية قدمت العضوة قبلى وده ميصحش أنا حاصل على الدكتوراه فى كيفية إخراج الدودة من شريحة اللحم ثم تناولها بالهنا والشفا وبعدين تقدم العضوة قبلى ... ده كلام !!
الدكتورة بايعة القضية : فيه إيه يا أستاذ ده حتى الذوق بيقول ( ليديز فيرست ) وبعدين ما أنا كمان معايا دكتوراه فى ندغ اللبان وتفتيح المخ !
المحاور : يا جماعة ما يصحش كدة ح نبتدى الحلقة بالمنظر ده يبقى مش ح نوصل لحاجة . وما تنسوش إن أنا إللى بدير الحوار هنا . وما تزعلش يا أستاذنا ح أترك لك الكلمة قبلها وكدة محدش يزعل من حد .
( هدوء وتأفف من الأطراف الثلاثة )
فاصل أعزاءنا المشاهدين ونواصل
المحاور : سيدى الدكتور ... حدثنا فى البداية عن الدودة المذكورة وإزاى دخلت اللحمة وبعدين بقى نشوف اللجمة نفسها إزاى دخلت مصر وبعدين دخلت معدتنا ؟
الدكتور غتيت : فى الواقع والحقيقة الدودة دى هى نفسها الدودة الشريطية وكلنا والحمد لله متعايشين معاها وواخدين عليها .... ده حتى البروتين فيها نسبته عالية جدا ... يعنى مفيش منها خطر أبدا ! وبعدين مين قال إن فيه لحمة ( مدودة ) دخلت مصر دى كلها إشاعات يا أستاذنا الفاضل وصور متفبركة وكلام جرايد وتلاقى الإشاعات دى مصدرها تجار اللحمة علشان الناس تتهافت على اللحوم البلدية وهمة بقى يتلاعبوا بالأسعار على راحتهم !
الدكتورة بايعة القضية : يا أستاذ عيب عليك ح تبتديها كدب من أولها ؟ إنت جاى توكل الشعب الأونطة ولا توكله ( الدود ) ؟
الدكتور غتيت : إحترمى ذاتك ! إنتى مش عارفة بتكلمى مين !
الدكتورة بايعة : ح اكون باتكلم مع مين يعنى ؟
مرتشى وفاسد والناس كلها عارفة تاريخك الإسود وحافظينك ويشهد عليك الحساب المفتوح فى البنك 24 ساعة فى خدمة الفاسدين !!
الدكتور غتيت : اسم الله عليكى ( فرش الملاية ) إنتى مانتيش فاكرة والا إيه ؟
ولا تحبى أفكرك !
المحاور مقاطعا : يا جماعة ميتفعش كدة ! إحنا هنا جايين نواجه ونوصل للحقيقة كدة ح تشتتوا المشاهد ... ومضطر أخرج لفاصل
فاصل .... ونواصل .
اهلا بكم من جديد .
المحاور : ح أوجه سؤالى للدكتور غتيت مرة تانية : ما احنا من حقنا نعرف والمشاهدين إزاى اللحمة دى دخلت البلاد وفين الحجر الصحى ومعايير الجودة والضمان ؟
الدكتور غتيت : انتوا مكبرين الحكاية أوى ... ( مشيرا للدكتورة ) ح اتكلم بس لو سمحت مش عاوز مقاطعة منها وانا باتكلم .
الدكتورة بايعة : هو انا كلمتك انت فاكر نفسك غيه يا مـ ( تيييييت ) إنت جاى هنا متهم يبقى تسمع وتحط الـ ( تيييييت ) فى بقك وانت ساكت !
المحاور : يا جماعة مينفعش كدة !
الدكتور غتيت : لا فوقى بقى والا أجيب لك سيديهات فضايحك على النت مع العضو ( فلان ) وأعرضها للمشاهدين ؟
الدكتورة بايعة : أنا اشرف منك ومن اللى ( تييييت ) يا بتاع الحبة الزرقا ولا بلاش أتكلم .
المحاور : يا جماعة مينفعش كدة ..... مش أسلوب حوار ده عاوزين المشاهد يحط إيده على كل الحقايق والوقائع لأن برنامجنا هو برنامج ( الشفافية ) فى طرح الموضوعات ومتنسوش أنا إللى بدير الحوار هنا .
أعزائى المشاهدين .... فاصل ونواصل
أهلا بكم من جديد
المحاور : ومعانا مداخلة تليفونية من مشاهد بيطلب التدخل للصلح بين ضيوفنا فى البرنامج وكتر خيره والله وباشكره على المشاعر الجميلة دى ومصر بخير فعلا .
وكمان معانا الأستاذ م من كفر الشيخ ونقول آلو : يا أستاذ أنا معايا الآشعة إللى عملتها فى المستشفى بسبب إصابتى من اللحمة وظاهر بوضوح جلى إسم الدكتور فى معدتى ... الدكتور إللى قاعد قدامك ده ... يعنى قوله منك لله مفيش فايدة م الإنكار .حسبى الله ونعم الوكيل ... حسبى الله ونعم الوكيل فيكم يا ظلمة !
الدكتور غتيت : أنا بس مش عارف الأخ إللى بيتكلم ده مين قله إن فيه لحمة أساسا دخلت مصر ( مدودة ) ؟
موجها حديثه للعضوة الموقرة : عاجبك يا ست هانم عاوزة تدارى على فضايحك تقومى تتهمى الناس بالباطل وتقلبى الرأى العام ضدنا ... الصور إللى فى الجرايد دى كلها معمولة جرافيك ع الفوتوشوب تحبى أقول للمشاهدين جابوكى منين من تلات ليالى كدة ؟
ويستمر الوضع على هذا الحال لأكثر من ساعتين ملأى بالصراخ والتهديد والتنديد .
وترتفع الأيدى فى الهواء من كل المشاركين فى الحلقة لتطول حامل الكاميرا والمخرج والمعد وربما المشاهدين .
المحاور خاتما : وهكذا مشاهدينا الكرام وضعنا أيدينا على المشكلة والحل بكل صراحة ووضوح وشفافية فهذا هو هدفنا من أجلكم أنتم ... من أجل المواطن المصرى المطحون ...أالقاكم بعد الفاصل وضيف جديد
وهكذا الحال ... حال كل برامجنا الحوارية فى كافة المجالات .... فضائح فضائية على الهوا
