نصيحة منى ليك أوعى تذاكر مع ستك ودى قصة بتبين كدة
الله أكبر الله أكبر..أذان الظهر
يارب ..يارب ينجحك يانون يا ابن ابنى وأشوفك دكتور أد الدنيا
يا ستى بس أنا فى تجارة
ومالة يابنى هو يكتر على ربنا شئ..ده ربنا قادر على كل شئ
ياستى ونعم بالله بس اللىيطلع دكتور لازم يكون فى كلية مش تجارة
ياللاتجارة تجارة..ومالها التجارة..دى حتى التجارة شطارة..ده جدك الله يرحمه كان تاجر
فى الوكالة قد الدنيا
يا ستى التجارة اللى فى الوكالة حاجة واللى فى الكلية حاجة تانية
ع العموم شد حيلك انت وانا أخلى جدك يخدك معاه الوكالة علشان تتدردح وتتدودك فى السوق
جدى اية اللى هيخدنى معاه.....دة جدى ميت من زمان يا ستى
يا مصبتى عبد الواحد مات...ياحبيبى يا أخويا...مكنش يومك يا سبعى
يا ستى دة ميت من تلتين سنة
تلتين سنة! ده العمر بيجرى ياولاد.. تصدق ولا حسيت بيهم..ياللا أهو غار فى داهية
قطع وقطعت سيرتة داة كان بخل الدنيا فية ألا ماعمرة دخل عليةببطيخة ولا كيس جوافة
يا ستى حرااام عليكى عاوز أذاكر بقى
يوة وأنا مسكاك يا ولة ذاكر ذاكر علشان ربنا يكرمك وتاخد الدبلون
يا ستى دبلون أية أسمة البكلريوس
أنتة هتضحك علية ياولة أسمة الدبلون الواد أبن فايزة زيك كدة فى مدرسة التجارة وخد دبلون
خلاص دبلومم دبلوم..سيبينى بقى علشان أذاكر
ذاكر..ذاكر ياخويا ذاكر تعرف ياواد ندرن علية يوم متنجح لكون خطبالك عبير بنت رئيسة دى اية أدب وأخلاق وعلام كمان
ياستى عبير دى معاها الأعدادية
ومالة يابنى الراجل ميعبوش الا جيبة
راجل..راجل مين ياستى عبير دى بنت
عبير..عبير مينيا ولة أنت بتعرف بنات من ورانا
لا اله الا الله أبوس رجلك يا ستى أرحمينى بقى
طب ذاكر..ذاكر كتك نيلة وانت طالع براوى كدة زى أمك..قطعت وقطعت سيرتها أنا مش عارفة أبوك كان أتجوزها على اية..حكم قال لبس البوصة تبقى عروسة بس والنبى لكون مبوظة الخطوبة دى ومجوزاة أنيسة بنت أختى
يا ستى خطوبة اية أبويا متجوز أمى من خمسة وعشرين سنة وبعدين أنيسة دى بنت أخوك مش بنت أختك وبعدين أساسا انتى معندكيش أخوات بنات
صحيح يا ولة..أنتة عندك حق أنا مليش أخوات بنات..أصلى أنا أمى مكنتش بتخلف صبيان
حراااااااااااااااام..ستى متطلعى البلكونة شوية داة الهوا حلو برة
لأياخويا فى جدع كدة حليوة وشعرة مسبسب فى البلكونة اللة فى الوش بيقعد يعاكسنى
خلاص روحى المطبخ أهو زمان أمى خلصت الرز
رز..رز اية ياولة هو أنا فية سنان للمكرونة..أنا هاطلع البلكونة أحسن
طب أبقى خالى بالك م الهوا ياستى
هوى لما يلطشك ياختى
الحمد للة أخيرا خرجت وقدرت أذاكر..رحت الأمتحان تانى يوم وربنا كرمنى وحليت كويس لكن للأسف المراقب سحب منى الورقة قبل ما أكتب أهم حاجة فيها
ياترى أنا كان أسمى اية؟؟؟ أسمى اية؟؟؟
ودى طبعا جزاء اللى يعمل زى نون كدة
والحمد لله أنى مش زية
ويارب تكون عجبتكو
الله أكبر الله أكبر..أذان الظهر
يارب ..يارب ينجحك يانون يا ابن ابنى وأشوفك دكتور أد الدنيا
يا ستى بس أنا فى تجارة
ومالة يابنى هو يكتر على ربنا شئ..ده ربنا قادر على كل شئ
ياستى ونعم بالله بس اللىيطلع دكتور لازم يكون فى كلية مش تجارة
ياللاتجارة تجارة..ومالها التجارة..دى حتى التجارة شطارة..ده جدك الله يرحمه كان تاجر
فى الوكالة قد الدنيا
يا ستى التجارة اللى فى الوكالة حاجة واللى فى الكلية حاجة تانية
ع العموم شد حيلك انت وانا أخلى جدك يخدك معاه الوكالة علشان تتدردح وتتدودك فى السوق
جدى اية اللى هيخدنى معاه.....دة جدى ميت من زمان يا ستى
يا مصبتى عبد الواحد مات...ياحبيبى يا أخويا...مكنش يومك يا سبعى
يا ستى دة ميت من تلتين سنة
تلتين سنة! ده العمر بيجرى ياولاد.. تصدق ولا حسيت بيهم..ياللا أهو غار فى داهية
قطع وقطعت سيرتة داة كان بخل الدنيا فية ألا ماعمرة دخل عليةببطيخة ولا كيس جوافة
يا ستى حرااام عليكى عاوز أذاكر بقى
يوة وأنا مسكاك يا ولة ذاكر ذاكر علشان ربنا يكرمك وتاخد الدبلون
يا ستى دبلون أية أسمة البكلريوس
أنتة هتضحك علية ياولة أسمة الدبلون الواد أبن فايزة زيك كدة فى مدرسة التجارة وخد دبلون
خلاص دبلومم دبلوم..سيبينى بقى علشان أذاكر
ذاكر..ذاكر ياخويا ذاكر تعرف ياواد ندرن علية يوم متنجح لكون خطبالك عبير بنت رئيسة دى اية أدب وأخلاق وعلام كمان
ياستى عبير دى معاها الأعدادية
ومالة يابنى الراجل ميعبوش الا جيبة
راجل..راجل مين ياستى عبير دى بنت
عبير..عبير مينيا ولة أنت بتعرف بنات من ورانا
لا اله الا الله أبوس رجلك يا ستى أرحمينى بقى
طب ذاكر..ذاكر كتك نيلة وانت طالع براوى كدة زى أمك..قطعت وقطعت سيرتها أنا مش عارفة أبوك كان أتجوزها على اية..حكم قال لبس البوصة تبقى عروسة بس والنبى لكون مبوظة الخطوبة دى ومجوزاة أنيسة بنت أختى
يا ستى خطوبة اية أبويا متجوز أمى من خمسة وعشرين سنة وبعدين أنيسة دى بنت أخوك مش بنت أختك وبعدين أساسا انتى معندكيش أخوات بنات
صحيح يا ولة..أنتة عندك حق أنا مليش أخوات بنات..أصلى أنا أمى مكنتش بتخلف صبيان
حراااااااااااااااام..ستى متطلعى البلكونة شوية داة الهوا حلو برة
لأياخويا فى جدع كدة حليوة وشعرة مسبسب فى البلكونة اللة فى الوش بيقعد يعاكسنى
خلاص روحى المطبخ أهو زمان أمى خلصت الرز
رز..رز اية ياولة هو أنا فية سنان للمكرونة..أنا هاطلع البلكونة أحسن
طب أبقى خالى بالك م الهوا ياستى
هوى لما يلطشك ياختى
الحمد للة أخيرا خرجت وقدرت أذاكر..رحت الأمتحان تانى يوم وربنا كرمنى وحليت كويس لكن للأسف المراقب سحب منى الورقة قبل ما أكتب أهم حاجة فيها
ياترى أنا كان أسمى اية؟؟؟ أسمى اية؟؟؟
ودى طبعا جزاء اللى يعمل زى نون كدة
والحمد لله أنى مش زية
ويارب تكون عجبتكو
