www.a7laas7ab.com

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    قصه مضحكه تصور وفاة الرئيس مبارك ووصيته الاخيره لاسرته

    فراشة زمرده
    فراشة زمرده
    عضو ماسي
    عضو ماسي

    عدد المساهمات : 278
    تاريخ التسجيل : 30/05/2010
    العمر : 26
    الموقع : https://a7laas7ab.arabepro.com

    قصه مضحكه تصور وفاة الرئيس مبارك ووصيته الاخيره لاسرته  Empty قصه مضحكه تصور وفاة الرئيس مبارك ووصيته الاخيره لاسرته

    مُساهمة من طرف فراشة زمرده في الأحد يوليو 04, 2010 9:08 am


    السلام عليكم ورحمة الله وبركاته

    إلتفتت الأسرة حول فراش الزعيم وهو يلفظ أنفاسه الأخيرة

    قال الزعيم بصوت ضعيف ولكنه حازم فى نفس الوقت

    حسنى: كلكم موجودين
    سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين

    حسنى: طب إسمعوا اللى حقوله كويس
    جمال: سامعينك يابابا ... إتكلم
    حسنى: مصر دى كنز ياولاد ... إمكسوا فيها بإيديكم وسنانكم ... بنسرق فيها بقالنا سنين وسنين ولسه بتدينا
    علاء: هيا دى البركة اللى بيقولوا عليها يابابا
    حسنى: أيوه يابنى .... ربنا يبارك لكم ولعيالكم فيها ... ودلوقتى إسمعونى
    علاء: إنته على الهوى يابابا ... إتكلم
    حسنى: أنا مش مديون لحد ياولاد ... يعنى أى واحد يصيع عليكم ويقول لكم أبوكم كان مستلف منى فلوس تفوا فى وشه على طول
    علاء: إطمن يابابا ... حرامى على حرامى ما يلعبش
    حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض ... فلوس متلتلة متتعدش ... مش حقول لكم حافظوا عليها وبس ... لآلآلآلآ ... زودوها كمان وكمان لجل ما روحى ترتاح وأنا فى تربتى
    جمال: هيا الفلوس اللى إنته عملتها يابابا دى بتسميها فلوس شفنى أنا وعلاء حنعمل إيه .... ولا صحيح حتشوفنا إزاى عموماً ما تقلقش
    حسنى: ودلوقتى إسمعوا وصيتى ..... الحكم لأولاد مبارك ... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق( والملكة نازلى (المملكةالمصرية
    جمال: مفهوم يابابا ... خش فى اللى بعده
    حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً
    علاء: مفهوم برده ... اللى بعده .... ياساتر ده إنته ملل
    سوزان: عيب ياعلاء لما تكلم أبوك كده
    علاء: بهزر ياماما
    حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى
    سوزان: هرم !!!!!!! .... هيا دى آخرة صبرى !!! ...... وده يسوى كام ده
    علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
    سوزان: مش حرضى باأقل من التلات أهرامات وأبو الهول
    حسنى: مش خسارة فيكى ياغالية .... أثار النوبة لعلاء .... والأقصر لجمال ... ودلوقتى نيجى للميه ... الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى
    سوزان: إنته أكيد مخبول ... مليار ونص دولار صدقة جارية على روحك
    جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه
    علاء وهو يمسك بالألة الحاسبة: ممكن نطلع لحد ألف جنيه ياجمال ... السيولة تسمح
    حسنى: أوعوا تفرطوا فى حبيب العادلى من بعدى ياولاد ولو مشى رجعوه تانى ... حبيب قلبه ميت وإيده طرشه ... وهوه ده اللى ينفع مع الغجر اللى هنا
    جمال: بس ما بيعجبنيش شنبه يابابا
    حسنى: إنته مالك ومال أم شنبه ..... إحنا بنشترى مجرم
    جمال: أعاهدك يابابا إنى حخليه معايا ومش حفرط فيه أبداً
    حسنى: الشيخ طنطاوى ياولاد راجل بركة ..... يمين يمين شمال شمال ..... أوعوا تفرطوا فيه ولو حصل وفرطت فيه غصب عنى فى يوم حاولوا ترجعوه تانى ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
    علاء: ولا يهمك يابابا .... حخلى أنكل كمال الشاذلى يصلى عليك
    حسنى: والله لو عملتها ياعلاء لكون متبرى منك إلى يوم الدين
    علاء: بهزر معاك يابابا ..... أنكل كمال مش حافظ الفاتحة
    حسنى: المشير طنطاوى ياولاد ..... مش حوصيكم عليه ..... الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد
    سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال
    جمال: حاضر ياماما
    حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
    علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
    حسنى: عايز أحلى مدفع يشيل النعش ياولاد
    جمال: مدفع رشاش
    سوزان: الهزار مش فى الحاجات دى ياجمال
    جمال: آسف ياماما
    حسنى: عايز أدفن فى شرم الشيخ ياولاد جنب أولمرت وشارون
    علاء: بلاش كفر مصيلحة يعنى
    حسنى: لأ كلها براغيت ياعلاء .... وإسم شرم الشيخ كمان أشيك بكتير
    MaYo0o0oS
    MaYo0o0oS
    عضو ماسي
    عضو ماسي

    عدد المساهمات : 1001
    تاريخ التسجيل : 12/06/2010
    العمر : 25
    الموقع : a7laas7ab

    قصه مضحكه تصور وفاة الرئيس مبارك ووصيته الاخيره لاسرته  Empty رد: قصه مضحكه تصور وفاة الرئيس مبارك ووصيته الاخيره لاسرته

    مُساهمة من طرف MaYo0o0oS في الأحد يوليو 04, 2010 9:15 am

    هههههههههههههههههههههههههه
    شكلك هتتخدى امن دوله

    ههههههههههههههههههههههه

    وانا سعتها ولا اعرفكوا

    هههههههههههههههههههههههه

    تسلمى يا قمرايا على التوبيك


    _________________
    قصه مضحكه تصور وفاة الرئيس مبارك ووصيته الاخيره لاسرته  326490945



    I hate myself
    فراشة زمرده
    فراشة زمرده
    عضو ماسي
    عضو ماسي

    عدد المساهمات : 278
    تاريخ التسجيل : 30/05/2010
    العمر : 26
    الموقع : https://a7laas7ab.arabepro.com

    قصه مضحكه تصور وفاة الرئيس مبارك ووصيته الاخيره لاسرته  Empty رد: قصه مضحكه تصور وفاة الرئيس مبارك ووصيته الاخيره لاسرته

    مُساهمة من طرف فراشة زمرده في الأحد يوليو 04, 2010 9:33 am

    ههههههههههههه
    تسلمي يا جميله علي مرورك وتعليقك الجمييل
    البرنسيسة روكا
    البرنسيسة روكا
    عضو ماسي
    عضو ماسي

    عدد المساهمات : 322
    تاريخ التسجيل : 04/06/2010
    العمر : 26

    قصه مضحكه تصور وفاة الرئيس مبارك ووصيته الاخيره لاسرته  Empty رد: قصه مضحكه تصور وفاة الرئيس مبارك ووصيته الاخيره لاسرته

    مُساهمة من طرف البرنسيسة روكا في الأحد يوليو 04, 2010 6:27 pm

    ههههههههههههههههه


    بس ياريت تيجى على أمن دولة وبس


    دى ممكن تحصل الشاب خالد سعيد


    وبعدين ياريت متكتبيش مواضيع زى دى تانى


    علشان مش مستغنية عن نفسى أصلهم ممكن يخدونى معاكى وساعتها أبقى ادبست ما أنا صحبتك وبمشى معاكى


    بس بصراحة تحفة

      الوقت/التاريخ الآن هو السبت ديسمبر 05, 2020 12:18 pm