www.a7laas7ab.com

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    اووووووووووووووعى تذاكرليله الامتحان مع جدتك

    ضى القمر
    ضى القمر
    اداره عامه
    اداره عامه

    عدد المساهمات : 1724
    تاريخ التسجيل : 26/05/2010
    العمر : 28

    اووووووووووووووعى تذاكرليله الامتحان مع جدتك Empty اووووووووووووووعى تذاكرليله الامتحان مع جدتك

    مُساهمة من طرف ضى القمر في الأربعاء يوليو 14, 2010 5:03 am

    بســم الله الـرحمــن الرحيــم




    الله أكبر الله أكبر..أذان الظهر..


    يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -


    ياستى بس أنا فى تجارة-



    وماله يابنى هو يكتر على ربنا...... ده ربنا قادر على كل شئ -


    ياستى ونعم بالله بس اللى بيطلع دكتور لازم يكون فى كلية الطب مش التجارة-


    ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-



    ياستى التجارة اللى فى الوكالة حاجة واللى فى الكلية حاجة تانية-



    ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-



    جدى إيه اللى هايخدنى معاه .....ده جدى مات من زمان ياستى-



    يامصيبتى عبد الواحد مات..ياحبيبى ياأخويا..مكنش يومك ياسبعى-



    ياستى ده ميت من تلتين سنة-



    تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة



    ياستى حرااام عليكى عايز أذاكر بقى-


    يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-



    ياستى دبلون إيه..أسمه البكالوريوس-



    أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-



    خلاص دبلوم دبلوم ياستى ..سيبينى بقى عشان أذاكر -



    -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان



    ياستى عبير دى معاها أعدادية-



    -وماله يابنى ...الراجل مايعبهوش إلا جيبه



    راجل ...راجل مين ياستى...عبير دى بنت -



    -عبير ...عبير مين ياوله..أنته بتعرف بنات من ورانا



    لا إله إلا الله....أبوس رجلك ياستى أرحمينى بقه -



    -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى



    -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات



    صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-



    حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -




    لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-



    خلاص روحى المطبخ ...أهو زمان أمى خلصت الرز-



    رز...رزإيه يابنى....هوأنا ليه سنان للمكرونه...أناهطلع البلكونه أحسن-



    طب أبقى خلى بالك م الهوى ياستى-



    هوى لما يلطشك يا بت يا جذمه انتى-



    الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة

    قبل ما أكتب أهم حاجة فيها


    ياترى أنا كان إسمى إيه؟؟ ياترى كان إسمى إيه؟؟
    انا مين انا ليييييييه انا ازااااااى


    _________________
    حكايات كتيرة بتنتهى وتبدأ حكايات..وسنين كتيرة ف عمرنا بتعدي ساعات
    اوقات بتبقى ذكريات وبتتنسي ..بس اللى عمره مايتنسي احلى الاوقات
    البرنسيسة روكا
    البرنسيسة روكا
    عضو ماسي
    عضو ماسي

    عدد المساهمات : 322
    تاريخ التسجيل : 04/06/2010
    العمر : 26

    اووووووووووووووعى تذاكرليله الامتحان مع جدتك Empty رد: اووووووووووووووعى تذاكرليله الامتحان مع جدتك

    مُساهمة من طرف البرنسيسة روكا في الأربعاء يوليو 14, 2010 6:33 am

    هههههههههههه

    جميلة أوى يا ضى تسلم أيديك


    ملحوظة:القصة دى مكررة فى المنتدى لأن فى


    واحدة زيها بالظبط فى منتدى القصص



    بس بردة تسلم أيديك
    ضى القمر
    ضى القمر
    اداره عامه
    اداره عامه

    عدد المساهمات : 1724
    تاريخ التسجيل : 26/05/2010
    العمر : 28

    اووووووووووووووعى تذاكرليله الامتحان مع جدتك Empty رد: اووووووووووووووعى تذاكرليله الامتحان مع جدتك

    مُساهمة من طرف ضى القمر في الأربعاء يوليو 14, 2010 10:48 am

    تسلمى
    شرفنى مرورك ياجميل


    _________________
    حكايات كتيرة بتنتهى وتبدأ حكايات..وسنين كتيرة ف عمرنا بتعدي ساعات
    اوقات بتبقى ذكريات وبتتنسي ..بس اللى عمره مايتنسي احلى الاوقات

      الوقت/التاريخ الآن هو الإثنين نوفمبر 30, 2020 10:28 pm